څو به ګوريده قيامت و ورځو شپو ته خو هوم دا جهان په ځان باندي قيامت کړه چه نيکي بدي په تله کښې تلل شي خود پخپله تله واخله عدالت کړه که لښکر د حرص هوا درباندې زور شي سر دننه په قلعه د قناعت کړه دا به نشي چه ستا څټ او د حق مخ وی که حق غواړي ته هم مخ په حقيقت کړه هغه زړه چه عرش الله دي ګوره کوم دي څو دي توان شي د جمله زړونو خدمت کړه وړاندني هم واړه ستا په څير سړي وو ته هم پاڅه د هغو په څير همت کړه د دنيا چاري همه واړه فاني دي باري پورته شه يو بل رنګه حکمت کړه په طبيعت د عاشقانو دارو نه شي درومه بله خوا دارو د خپل زحمت کړه څو دي حق موندلي نه دي مه جار ووزه په دا مرسته دا جهان واړه لت پت کړه اي رحمانه اول ته نصيحت واخله دغه پسه بيا و بل ته نصيحت کړه
Pashto Poetry پښتو شاعری
مينه والو زه يو بي نومه انسان يم چي هیڅ پيژندګلو نه لرم او نه خپل زان زمونږ ده لوړ شاعرانو وړاندي سه ګڼم خو زمونږ کوشش دي چي د پښتو ژبي ده شاعرانو چي کوم غږ چا اوريدلی نه دي او په کتابونو کښې پروت دي هغه وینه راژوندي کو او ده هغو هغه کلامونه ټولي دنيا ته ورسوو ځکه چي زموږ ده پښتو ده سيمو شاعران او ليکوالان ډير نامتو او خواږه شاعران دي